இறப்பது தமிழனாக இருந்தாலும் ; வாழ்வது தமிழாக இருக்கட்டும் !

தவறு செய்தாய் அடா தமிழா 

நீ தவறு செய்தாய் அடா!

வந்தாரை வாழவைத்து 

தமிழனை வீதியில் விட்டாய் அடா தமிழா!

சாதிக்கென ஒரு குரலாய் ,

கட்சிக்கென ஒரு குரலாய் ,

மதத்திற்கென ஒரு குரலாய் ,

தனித்தனியாய் குரல் கொடுத்தாய் !

தமிழனத்தை தவிக்க விட்டாய் !

போரிலே புறமிடல் மானமாய் நினைத்தாய்,

அதனால் பலரை கல்லறையில் உறங்க வைத்தாய்!

விழித்துக் கொள்ளடா தமிழா 

இனி நீ விழித்துக் கொள்ளடா!

அறிவை விழியாக்கி;

அரசியலை ஆயுதமாக்கி ;

விவேகத்துடன் புறப்பட்டால்தான்!

நீ தலை நிமிர்ந்து நிற்கவும் முடியும் ,

தமிழனென்று சொல்லவும் முடியும் !

இறப்பது தமிழனாக இருந்தாலும் ;

வாழ்வது தமிழாக இருக்கட்டும் !