சுதந்திரத்தையும் காவு வாங்கியது ஏனோ ?

புற்களின் மீதான பனித்துளிகள்;

என் பாதங்களை மீண்டும் நனைத்திடாதோ?

தவழ்ந்து விளையாடிய நதிகளையும் ;

பல்லாங்குழி விளையாடிய என் தோழிகளையும் ;

மீண்டும் நான் காண்பேனோ ?

இலைகளை தாலாட்டிய தென்றல்;

எனை மீண்டும் தழுவாதோ?

தாத்தா,பாட்டி ,சித்தப்பா ,சித்தி ;

அத்தை ,மாமா ,பெரியப்பா ,பெரியம்மா ;

என்று அன்போடு கூப்பிட்டு மகிழ்வேனா ?

தெள்ளு தமிழ் பேசி வந்த மழலை

குரல் கேட்பேனா ?

பதுங்கு குழிக்குள் நேற்று தூங்கிய ;

ஒரு தமிழச்சியின் கனவுகள் இன்று கல்லறையில் உறங்குகிறது !

காலையில் குழியின் அருகே விழுந்த குண்டு ;

கனவுகளை மட்டும் அல்ல ,சுதந்திரத்தையும் காவு வாங்கியது ஏனோ ?